شعر ترکی - امام زمان - نیمه شعبان

چون یئتیشدین قطره تک دریـایــه توفـاندان دانیش!

عشقلـــر دریــــاسی ساحلسیــزدی عــرفــاندان دانیش!

عؤمریـویـن آیینه سین پاک ساخـلا وجداندان دانیش!

مــوج مــوج اعمـــال و تکلیـفِ مسلمــانـدان دانیـش!

شیطانا باج وئــرمــه ییب جُــرعتله میداندان دانیش!

*

ای کؤنول بی درد وغم ، مرهم سوراغین دوتما گَل

خلقه خدمت ایستــه سـن ، ایـمـــانی یعنی آتـمـــا گَل

دونیـــــــا بـازارینـده انصافـــی مقـامـــه سـاتــما گل

صُبح «مهدی» سَسله ییب ، آخشام نامازسیـز یاتما گل

عشق دردین درک ائیــله سونــرا درماندان دانیش!

*

سن یـازیـقلار دردینی گؤرجک روانـون اَسمـه ســـه

قویـمـــاســـان بــــازارِ کــاردا فــرق یـاخشیـله پیـسه

گیـرمــــــه مئیـدانــه ، روان اولـمــا مقـدّس مجـلســه

قـورخـورام پیغمبـر اوغلی قهـر ائدیب سندن کوســـه

امـــر ائده لال اوُل ! نه آلله دان نه شیطاندان دانیش!

*

لطف قیــل سـن یوسفِ کنعانــه بنـزه تمـــه اونـــــی

بی مَثَل دیـــــر شـاه یـــا سولطانـه بنزه تمــه اونـــی

هیـچ بیر ارباب و هئچ بیـر«خان»ـه بنزه تمه اونی

حتّی بـــو یئـــرده گئنیش عمّانـــه بنزه تمه اونــی

سؤز دوشنـده «مهدی» دن، خـلّاقِ رحمانـدان دانیش!

*

خالقیـم موعـود گونی بیـــر آن جهـانی تنگ ائـده ر

چونکی تصمیم، آخرین تصمیم دی، ساعت هنگ ائده ر

نور جوش ائیلیب قرانلیق لحظه لـــــرله جنگ ائده ر

بی ریـا عاشقلـــری صاحب زمان(عج) سرهنگ ائده ر

بی ریــا اوُل، خالص اوُل، عشقیــله جانـاندان دانیــش!

*

چون هدف سنگین دی دونیــــــاده اولور حجّت تمام،

قطعـاً آلله دا اؤزی بــو عـرصـه ده ائیـــله ر قیــــام

تــا کــــی عالـــم گؤرســه ده مهدی ِ عشقــه احتــــرام

السّـلام ای قـدرتِ حـــــق، صـاحبِ عصـــــــر، السّـلام!

گل ظهـور ائیلیب بیـــزه اتمـامِ هجـــرانـدان دانیش!

*

سنسیــــز ای آقـــا جهانیـن یـــوخ صفـــا و لــذّتـــــی

هئی آچیب سولماقـدی بـــو گولشنده گول لـــر عادتی

سنده سولماق یوخدوســا ، گؤرستسن اوُل قد – قامتی

اقتــدا ائیـــلــه ر سنــه دونـیــــــــاده محـــروم مللتی

یالــــوارار آچ گول دوداغین ، نـاز و نعمتدن دانیش!

تبریز – نیمه شعبان 1396 هـ . ش – دادا

برچسبها: شعر ترکی, نیمه شعبان

+ نوشته شده در یکشنبه بیست و چهارم اردیبهشت ۱۳۹۶ساعت 0:43 توسط دادا |