سبک زلال . ادبیات ترکی. پاییز

پاییـــز

( زُلال شعری )

پائیـز گئنه گلدی

هر یئر دولو یارپاقدی خزل دی

سانکی یئره نقّاشی چکیبلر سالینیب فرش

بو منظره نی آخ نه گؤزل دی!

پائیـز گئنه گلدی

*

بـاخدیـقجا اَنـاره

یئتدیم دئییرم پس کی بهاره

دئم قارپیزی،نارنگی،لیمو،پرتقال،انجیر

به به، نئجه گؤر گلدی بازاره

پُز وئـردی خیـاره

*

گون نورونو ساچدی

داوودی گولی قول قاناد آچدی

من مدرسه نین باشلانیشی شَنلیگه دولدوم

روحوم گئنه شادلیقلاری ایچدی

پروانه تک اوچدی

*

احساسیله یاتدیم

رؤیاده نه گؤر حئیرته باتدیم!

پالتارلارینی بیـر بیر آغاجلار سویونورلار

من پالتاریمی آمما چوخاتدیم

راحتلیگه چاتدیم

دادا

تورکجه ادبیات صحیفه سی...