- ده زلال پند ترکی - سبک زلال - دادا بیلوردی
- حسینه یئرلر آغلار گؤیلر آغلار - خازن تبریزی - دادا بیلوردی
- عشق نه دیر ؟ - سبک زلال
- غزل ترکی - دادا بیلوردی
- وصف حضرت زینب - شعر فارسی
- شعر در سبک زلال - کودک و نو جوان - قیش - زمستان
- سبک زلال . ادبیات ترکی. پاییز
- زلزله . میانه .ورنکش
- سید ظاهر موسوی - افعانستان
- مناجات ترکی - شعر
تورکجه ادبیات صحیفه سی
آخرین مطالب
امکانات وب
آنا یوردوم بدوستان
ئولونجه دانمارام آنــــــــــا وطنین
حورمتی وار اوردان گلیب گئده نین
بو توپراق منیمدیــــــر همیده سنین
گره گ قالسین دائـم اونون حرمتی
وار آنـــا یوردومون گؤزه ل مللتی
*
کیمین یــــولی دوشسه بدوسِتــــانا
حرمت ائیلییه رلــــــــر گلن مئهمانا
دوغما وطنیمدیر مثل بیــــــــــر آنا
آچیق سفره لــــردن گئتمه ز لذتی
وار آنـا یوردومون گؤزه ل مللتی
*
ادب ساحه سینده مین اولدوزی وار
غیرتلی عصمتلی اوغلی قیزی وار
آباد کندلـــری وار یاشیل دوزی وار
گزیـــــــــر اوره کلرده پاک محبتی
وار آنـــا یوردومون گؤزه ل مللتی
*
آدلانیب ایـــــران دا فـرشِ نمـــرور
تمام کندلـــرینده واردیـــر بــو هنر
یئر آچیب هــر یاندا اولوب معتبر
قراجه، اوُوجابار ، فرشین صنعتی
وار آنـــا یوردومون گؤزه ل مللتی
*
آراز کیمی لامدان آخیــر آجی چای
یئل اسیر زمیلر وورور لای با لای
گیلدیرین قونشوسو مینق دیـر سرای
بیـــلوردی اولوبدیــر شهـرِ صنعتی
وار آنــــا یوردومون گؤزه ل مللتی
*
آشاغـــا شهرکـی یازیبدیــــر کتاب
یوخاری شهــرکـــه یاخین جیغناب
جیغــــا«مسئله ده آلیبدیــــر حساب»
خورمـالی ، یازماسین هئچ شکایتی
وار آنــــا یوردومون گؤزه ل مللتی
*
قیشدا گؤیجه بئلده قوپار کولک قـار
قیـــزقاپان،آغاللی،یئیجه،شاهســــوار
گؤیــدره، یــــانیندا کــــروانسرا وار
شاه عاباسدان قالیب اونون قدمتــی
وار آنــــا یوردومون گؤزه ل مللتی
*
گؤیجه بئلین واردیــــر اوجا گونئیی
قارا داغدیــــر او داغلارین قوزئیی
یازارام وَللینی، طرف، قــره گونئیی
گؤردوم داغــلاریندا چوخ طراوتی
وار آنــــا یوردومون گؤزه ل مللتی
*
ساخسلو، مرکیدی، لیغلی، یئمیشجه،
دفتـــره، جانقوری، یازمــاییم نئجه ؟
شیخ رجب یادیمدان چیخماز اؤلونجه
شیخ آبــاد ائیله ییب قالیب شهـرتی
وار آنــــا یوردومون گؤزه ل مللتی
*
مقصودلو ، ترکایش، پارام ، آرباتان
موسالی، برازیـــــن، همی بیزووان،
سوما، میانبازیر، چیخماسین یاددان
بوتون کندلر اولـدی شعریــن زینتی
وار آنــــا یوردومون گؤزه ل مللتی
*
مینق دن، یول ائیله داغلارین دولان
خلج، قره درق، بیزیـــــــم اسبخوان
«اسدی» یازیبدیر گون چیخان باتان
آل بیزیـــم داغلاردان خوش طبیعتی
وار آنــــا یوردومون گؤزه ل مللتی
اصغر اسدی اسبخوان
۹۵/۱۲/۲۰
+ نوشته شده در دوشنبه بیست و پنجم اردیبهشت ۱۳۹۶ساعت 21:48 توسط دادا |
تورکجه ادبیات صحیفه سی...ما را در سایت تورکجه ادبیات صحیفه سی دنبال میکنید
برچسب: نویسنده: بازدید: 151