قرآنین آذری تجویدی

قرآنین آذری تجویدی

عشقیم چکیبدی بیــــر ایشه من اهتمــــــام ائـده م

الله کؤمک لیک ائیله یـــــه احسـن تمـــــام ائده م

اوّلده هـــــو دئییب اونـــو ایمـــداده سسله یـَـــــم

اوندان رسول اکرمه من بیــــر سـلام ائـــــده م

هَمده حضور حضرت مولایــــــــــــــه یالـــــوارام

ائولادیــنه ده اراد تـــــلی احتـــــــرام ائـــــده م

قصدیــم بودور یازام ائله سؤز کـــــی یازیلماییب

گرچـــــه چتیندیر، حوصله ایستیــر دوام ائـــــده م

تجویدی شعـــره چکماقا چــوخ مایل اولموشـــــام

نظمه چکیب بـــــو علمیده صاحب نظام ائـــــده م

شاعیـــــر ده اولماسام یـــــازارام قلبیمین سؤزون

بــو ایشـده ده گـره کـدیــــــر ادای کــلام ائـــــده م

بیــــــــر جور یازام کی هامّی ائده استفـــــاده سین

سو تک آخارکن هامّی یــــــه شُربِ مـدام ائـــــده م

اؤرگَشدیگی هـلال تک اولســا عـزیـــــــــزلـــرین

منده بـــــو علمیلن اونــــــو ماه تمـام ائـــــده م

ائولـــــــرده اؤرگشه ، هامیـــلار شعریــلن بونـــــو

ائولر نـه ائو کی ، روضه ی دارالسـلام ائـــــده م

اونلار کی آیه - آیه بـــــو قــــرآنی اؤرگه نیـــــر

منده لبین بــــــــو سؤزلـریلـــه لعـل فام ائـــــده م

توفیقیم اولسا گــــــــــر بو ادای وظیفه دیــــــــــر

حاشـا کی ایسته یـــــــــم اؤزومـی نیکنام ائـــــده م

واردیـــــــــر اُمیدیـم حافظ شیـــــریـن سخـن کیمی

هر یئــــــرده نقل مجلس یاقوت خـــــام ائــــــده م

باعــــرض معذرت کــــــی چوخ اولدی مقدّمـــــه م

من راضي اولمــــــــــارام بئله طولِ كلام ائـــــده م

آلاّهه وئردیگی بــــو روان طبعه شوکـــــــر اولا

طبعیم جُوشوبــدو یاخشی کـــــی بو طبعی رام ائده م

چون قول وئـــــرمیشه م سؤزون حقّـــــی ادا اولا

مخلوقی راضـی ائیلــــه کی خالــــــق رضا اولا

هر بیـــــر دیلین یازماقینا وار نئچه حـــــــــروف

لازیمدی قــــــــــرآن اؤرگشنده بونــــا آشـنا اولا

دُورد سؤز عـرب دیلینده یازیلمــــاز روانلایـــــاق

«گچ پژ»دی ذهنه تاپیشیـــریـــــــــــلا جابجا اولا

اوُن سؤز عربده بیزلــری لــن وار تفاوتـــــــــــی

لحـن عــــرب بولاردا گَرَه ک بــــــــرمـــلا اولا

«ثاء»دیر دیلین اوجوندادی «حاء»دیـر بُوغازدادیـر

«ذال»یر ، گؤزه ل دیـــــــر ازیلَـن بیر بالا اولا

«صاد» سین کیمی ولی سسی بیر آز قالین چیخار

«ضاد»ین چتیندی مخرجـــــی سعی ائت ادا اولا

اوست انگیمیزده دیل ده یه جک آزجـــا دیشلره

فارسـی دیلینـده آدلاری دا آسیـــــــــــــــــــــا اولا

«طاء» تاء کیمی دی، لیک قالین دیـــــــــــر بو تاء

قُووزا دیلیوی وور داماغــــا قوُیمـا تــــــــاء اولا

«ظاء»ذال تکی ده، دیل دَیه جک اوست قاباق دیشه

قالین دی آمّا مخـرجــــــه قویمـا هـــــــــــوا دولا

«عین»ینده مخرجی بوغازین اوُرتاسیندا دیــــــــر

نرم حالتینده ائیلـه اداء قویمــــــــــــا - آ - اولا

«غین»ینده مخرجی ائله خاءین یانیندادیــــــــــر

آمّا بوغازه سورتمه اوُنو قویما خــــــــــــاء اولا

«واو»ین دَه فرقی دیل دوداقــا دَیمه گیندَه دیـــــر

یعنی دوداق اوّل ییغیشـــــــا ســــــوندا واو اولا

سوره باشیندا رمـــــزی حروفـــــــلار « مقطّعه»

قطعه به قطعه هـــــر بیـــــــری تک تک ادا اولا

آلله ! منــــه عنایت ائلـــــه بـــی بـدل یازیــــــم

تجویده باشلیــــرام اونو بوندان گؤزه ل یازیـــــــم

فرق ائیلَمَـــــــــه ز نه وزنده اولســـا وزین اولا

هر بیتـی بیر شیرین سؤز اولــوب دلنشین اولا

بو عِلمده چون شرح اولا زیر و زبــــر گره ک

شعـرینده وزنینی دَگیشــــــــــه م مختصـر گره ک

فتحه نین آدی بیزیم دیلده « زَبَر » دیرسه اگـــر

کسره« زیر» دیـــر، ضمه« پیش» ، اوُل با خبــر!

فتحه بیـــر یولدیـــــر اچیلماق معنــاســــــــــــــی

کسره ده بیــــر دفعــــه سینـمــــــــاق معناســی

ضمّه، یعنی کـــــی ییغیلمـــــــاق بیــــــر یئــــره

فتحــه، کسـره، ضمّه نی یـــــــــــــــــــــــاز دفتـرَه

آدلاریندان معنــــاســــــــــــــــــــــــی معلوم اولار

«مفتوح» و «مکسـور»یلـــــه «مضمــــــوم» اولار

«واو»،«الف»،«لام»،«یاء» حروف والی دیـــــــر

آدلاری آســـــان ، چتین اعمــالـــی دیـــــــــــــــر

چـــون اوُخــونمــــازلار عــلامت اوُلمـــاســـــــــــا

آزدیـــــــرار ذهنــی مهــارت اوُلمـــاســــــــــــــــا

«واو» ، «الف» ، «یاء» پایه اوُلسا همزه یــــــــه

«لام»ده یئتســـــه حـــــــــــروفِ شمسیـــــــــــــه

«واو» و «یاء» اوُلسا الِفین پایـــــــــــــــــــه سی

همزه ی وصلیــن وسط ده گَلمـــــــــــــــــــه سی

همــــزه ی وصلیـــن یـــانیندا مـــدّی لــــــــــــــــر

همــده آلتــــــــی سؤزده واو مــدّی لــــــــــــــــر

الف جمع ، بیـــــــــر آدی دا فــــــــــــارقــــــــــه

دقّـت ایستــــــه رلـــــــــر مهـــارت سابــقــــــــه

آلتـی سؤز کــــی یازدیــــــــــم ای اهــــــل ولا

«سَأُوریکُــم» دیـــــــــــــــــــر «اُولئــک» ، «اوُلا»

بیــــــــــــــــــــــــــرده «اُلات» «اُولوا» همده اُولی

واردی واو مــدّی امّا حــذف اُولـــــــــــــــــــــی

شرح ائدیـــــــــــــــــــــــــــــم اوّل حروف مدّینـی

شـــــــــــــــــرح وئــــرّم سوندا مدّیــن حدّینــی

«مدّ» دن منظور ، اوزالدین سؤزلـــــــــــــــــــری

«قصــر»ده امّا ، اوُخــــونسون اؤزلــــــــــــــــری

ساکن ایـــلن ، همـــزه دیــــــــــــــــــــر مدّه سبـب

بیـــــــــرده تشـدیدی، بیــلیب اهــــــــــــــل ادب

گــــــــــر«الف» وار فتحه لی سؤز دن ســــــــورا

«یا»اولا گــــــر کســره لــــــــی سؤزدن سورا

«ضمّه»لـــــــی سؤزدن ســـــــــورا اولسا اؤزی

بو«الف» «یا» «واو» ، اولار مـدّی ســــــــــؤزی

یاخشیدیــــــــــر مدّین بیـــــــــله ک اندازه سیــــن

دوز گِئـده ک تــــــــــــــــا کی تلاوت جـادّه سین

مدّیلـــــــــــــــــرده چــوخلـــو دقـت ائیـــــلـــه یین

چکمـه گیـــن حــدّیــــن رعــــایت ائیلـــــــــــه یین

مدّی سؤزلـــــــــرده عـلامت یـوخــــدو گـــــــــر

قــــاری اونــدا مــدّ وئــــرمــــه ز آز مگـــــــر

«متّصل»ده طولـــــــــــی وار دورت «آ» سه سی

«منفصل» ده ایکــــــی «آ» اندازه ســـــــــــــــــی

متّصلده «همزه» ، «مد» بیــــــــــر کلمــــــــــه ده

منفصلــده هــــــــر سنــد بیــــــــــــــــــر کلمــه ده

«عـــارضی» مدّیــــن بیلیـن انــدازه ســـــــــــــــی

ایکی یــا اوچ یــا کی دورت «آ» دیـــر سه سی

مدّلــــــرده یعنی واردیــــــر بیــــــــــــــــر اصــول

تمــریـن اِئتسیـن سنده ائیلــــــــــــــــرسَـن قبـول

بــــو «الف» هــــــــــــــر یئــــرده امّـــا «آ» دگیل

اوندا کــــــی ســـــــوز «حرف استعـلی» دگـیــل

هــــاردا استعلالـــــــــــی سوزدن دالدادیــــــــــــر

«آ» دی «راء» دن دالــــدا بـــــــــو حالـدا دیــــر

« یــــــــــاء» مدّی «ای» دی « واو» مـــدّی «او»

هم اوُ هـــــــر یئــــرده اوُجــوردی همده بــــو

حـــــــرف استعلا دی«صاد»«ضاد»«طاء»«ظاء»

«غین»یلن« قاف» ای عزیــــــــزیم ، بیرده «خاء»

شـــرح ائدیــــــــــــــــــم الآن الفـــی همــزه نـــی

گوزلــــــــــــریم نــــوری ائـــدیـــــــم آگه سنــــی

همــزه باغــــــلار بول نفس چکمـــه ک یولـون

چکمـه ک اولمــــاز همــزه نی آگـاه اولـــــــــون

امتحـــان ائت «إنَّ» یـــــــــــــــــــا «أکبـــر» بویور

سوندا ســن بیــــــــر دفعــه ده «ءاخر» بویــــــــور

«آ» علامـت دیــــــــر علامــــت ایستَــــــه مَـــــــــز

هـــــاردا تـک گؤرسـون تلاوت ایستَـه مَــــــــــز

همزه نین چــــــوخ بنـزری واردیـــــــر مُو یَــه

چون اونـــــو آیـری آغــــــاج قـووزار گـؤیَــــــــــه

دؤرت دیـــــــر همزه اگلشن یئــــر ترکـــی ســــی

فارسی دیل ده پایـــــه سی یــــــــــــا کرسی سـی

همزه یــــــه وار چوخلـــــــــــو یئـــــــرده احتیاج

اوّلـــــــــــی ساکــــن ســوزی ، ائیلــه ر عــــلاج

چون محال دیـــــــر باشلامــــــــــاق ساکن سوزی

همزه وئــــــرســـه ک جورله یَه ر لاکـن سـوزی

«دُخُلُوا»نـــــــی همـــزه ائیــــلــــــــــــر «أُدخُلُوا»

حذف اولار گــــــر اولسـا «یــــــــــــا قومِ أدخُلُوا»

بعضی یئـــــــرده قطع دیــــــر همـــــــــــــزه آدی

ایندی اوّل دیـــــــــر یئــری یــــــــــــــا اورتـادی

قطع ده واردیــــــــر همیشـــه فتحــــه ســـــــــی

وصل دیــــــر گــــــر اولســـــا کســره ضمّه سی

قطع دیـــــــــــــــر آدی اونــــــــــــون « أرسلنا» دا

قطـــــع دیــــــــــــر اولســا «لَقَد أرسَلنــــــــــــا» دا

همـــزه نین قطعین دئــدیـــــــــــم وصلین دئدیــــم

التقــــاء ساکنینـــی شــــــــــــــــــرح ائــدیـــــــــم

همـــــزه ی وصلــــه یئتیشسه مدّی لـــــــــــــــــر

چــــــــون اولاردا همــزه ده سـاکــن دیلـــــــــــــر

بیر بیـــــــــــــــره اصلاً توُخونمـــــــازلار بیلیـــن

مدّی لـــــــــــر اوندا اوخــــــــونمـازلار بیــلیــــــن

یئتسه تنویــــن همـــــز ه ی وصلـه اگــــــــــــــر

ایکــی ساکندن ائلــــــــه بیـــــــــر «نون» گَلـه ر

اُولسا «لَهواً» سونکـــــــــــــــــــــی کلمه «أنفَضُوا»

ســن تـــــلاوت ائیـــلـــــــــــه « لــهوَنِ نفضُـــوا »

همـــــــــزه ی وصلین دالینـــدا اولســـــــــا لام»

فتحـــه وئــــــــر سنده همیشـــــه والسّـــــــــــــلام

کـــلّ أسمـــــــــــــــاء یعنــی إبنُ إســـــــــــــــم ده

وار همیشـــه کسره سی بـــــــــــــــــــــــو قسمده

همــــــــــــزه نین احکامینـــــــــــــــــــی افعـــال ده

ائیـــــــله اجـــــــــــرا بئیـلـــــــه بیــــر منـــوال ده

همــزه دن چـــون سونکی سوز ساکن گلــــــه ر

ساکنه یــــــوخ سونکـی حَــــــــــــرفه ، قیل نظـر

اوُلسا اوُندا فتحه ، کسـره ، کسـره وئــــــــــــــــــر

اوُلســا امّــــــا ضمّه سـی ، گـــــر ضمّه وئـــــر

سوز قــــالار ناقص بــــــو اعـــــــــلام اوُلماســـا

بــــــو «اُ»دان دالــدا اگـــــــــر لام اولمــاســـــــا

بیل گلن هـــر یئـرده دیـــــــــر «او» دیــــــــر آدی

بیــــــر مثـــل بــــــــــــو کلمــــــه ی «اُوذینا» دی

آمّــــا لام دان سونکــــــی سوز «یاء» دیـــــر اگــر

یاء ین اوستــه خیــــردا بیـر «آ» دیــــر اگـــــــر

اولســـالار باهـــــم مع الاشبــــاع اوُخـــــــــــــــــو

بیـــــر مثل دیـــــــر کلمــه اوُلَـــــــی ، اوُخــــــــــو

وار الف مدینونن ده پایــــــــــــــــه ســــــــــــــــــی

«واویله»« یاء»دیــــــــــــــــر،ولـی «آ» دیـر سسی

یازمـــــاق اولماز چون واوین هـــــــــــــر کلمه سین

ساخـــــــلا یادینده بـو خواهــــــــــــــــر کلـــمه سین

«یاء» ده موســـــــی دی سن موســـــــا اوخـــــو

یازماقـــــی عیسی دی سن عیســا اوخـــــــــــــــــو

«یاء» و«راء» و«میم»و«لام» و«واو» و «نون»

دیب دیبه یــازســــــــــــان اولارلار« یـرملــــون»

«نون ساکن» حکمی دؤرت حالت ده دیـــــــــــــــر

ائیلــــــــــه «تنوینـــده» او کیـــفیّت ده دیــــــــــــــر

***

تحویل آل فیکرین اگـــــر آمـــاده دیــــــــــــــــــــر

تنوین ین اوچ شکلی وار نون ســـاده دیــــــــــــر

نصب «اً» دیــــــــر جـــرّ « اٍ» دیــــــــر رفـع«اٌ »

یرملـــــونــه یئتسه لـــــــــــــــر ادغــــام ائــدیــــن

آمّـــــــا ، هــــر یئـــــــرده حـــــروف حلقــــی وار

ائیلـــــــه یین « تنوینــــــی» « نونـــــی» آشـــکــار

حـرف« حلقــی » ده بولاردیـــــر یـــــــــــــا اخــــا

«هاء»« همزه»«عین»« حاء»دیر«غین»« خاء»

« باء»ـه یئتســـه قلب میــــم اولســون گـــره ک

قالـمیش اون بِئــش حـــرفـــــده اخفــــــــاء گله ک

ادغــــامین دا وار « یمون» دا غنّه ســـــــــــــــــی

« لام» و« راء»دَه یـوخـــــدور امّا غنّه ســـــــــــی

« غُنّه»سس بورنون ایچیندن گلمه دیـــــــــــــــــر

قار ی نین بیـــــر شرطی غنّه بیلمــه دیـــــــــــــــر

« اخفاء» نونی، تنوینـی گیـــــزلتمـــه دیــــــــــــــــر

« قلقله» امّـا ، ســـــــؤزی تــــــَرپَتمـه دیـــــــــــــر

قلقله بئش ســــــؤزده وار ائتسیـن سئــــــــــــــوال

«قاف»،«طاء»،«باء»دی«جیم»دیـر بیرده « دال»

هــــر زمـــان بـــــو قطب جــــدّ ، ساکـــن گَلـــــه

قلقله حکمینـــده ، ســـــــن اجــــــــــــــــــــراء ائله

غنّه نین « نون ،میم»دَه چــــــوخ اجــــراسی وار

ادغـــــــامیــن دؤرت یئـــــرده استثناســـــــی وار

«دنیــــــــــــــا»، «بنیان»، «صنوان» و «قنوانیده»

قـــــاری ادغــــــام اِئیلَمَــــــــــــــــــــه ز قــرآنیده

« میــــــم ساکـــــن» هـــــاردا وار حکمین تــــانی

یاخشی دیـــــــــر اؤرگَشمه گین قارداش جــــــانی

واردیــــــــر اوچ حکمی یازیــــــم بالاختصــــار

میم ده ادغــــــام ،با ء ده گیزلتمک ، قالاندا آشکـار

یــــــــازمــیشـــام اوّل ده استعـــلا لـــــــــــــــری

تفخیــــــم اوُلســــون آرتـیریــــن امّـا « لــــــر»ی

یعنــــــــی استعـلا لــــــــــــــــــرین تفخیمــــی وار

« راء»دَه آلتـــــی شرطیلن تفخیــــــــــــــم اولار

« لام»دَه تفخیـــم یـــــــــــــــــــــــــوخ تغلیـظ وار

معناســی بیـــــــــــردیــــــــــر آدی تعویض اوُلار

لام بیــــــــــــــــــــــــــــــر تغلیــظ اَولار« الله» ده

یعنـــــــــــــــــــــی « أنَّ الله» و « نَصــــــــرُالله» ده

ساخــــــــــــــــــــــلا یادینده « هُوَالله» کلمـــه سیــن

نصب العیـن ائت « واتَّقوالله » کلمــــــــــــه سیــــن

فتحــــه ،ضمّــــه ، تغلیظـــه شاخص دی لـــــــــــــر

دقّتیلـن بــــــاخ دئمـــــــه ناقــص دی لـــــــــــــــــر

امّــــــــــــا «ترقیـق» حـالــــــــــــــــــی وار «لله»ده

«فـــــــــــــــــــی سبیــلِ الله» و«بســــــــــــم الله» ده

لام دَه یوخـــــدور داهـــــی بیر آیــــری حــــــــال

بیـــــــــر رقیق حالتـده دیـــــــــــر غیـــــــر از مقال

بیــــــر قــولاق وئـــــــر «راء»ی «تفخیم»ائیله ییم

قافیـــــــــه دوز گلســــه تنظیــــــم ائیلــــــــــه ییم

اوّلین عرضیـم کـــــی وار بـــــــو نکتـه دیــــــر

«تفخیمه»باعث بـــــو «ضمّــه»،«فتحـه»دیــــــــــر

حـــــرف مدّی دن دالـــــی گـــــــر اولســا «راء»

«یــــاء»اولار«ری»،«واو» اولار«رو»آده «راء»

اوّل و دوّم کـــــــــــــــی معلــــــــــوم اولـدولار

راء مفتـوحیـلــــــــــــــــه ، مضمـــــــوم اولــدولار

راء ساکــن دیــــــــــــــــــر زبــردن دالــدا دیـــــر

پیش قاباقدا اوُلسا دا بو حــال دا دیـــــــــــــــــــر

راء ساکــن اوُلســــــا ساکــــن دن دالــــــــــــــی

گــــــر قابــــاق فتحـــه اوُلا وار بــــو حالـــــــی

شعـــــــره دقت اِئیلــه ســن تفهیــــــــــــــــم اوُلار

ضمّـــــه ده اوُلســـا ائیـــــــــــــله تفخیــــــم اولار

راء ساکن دیـــــــــــــــر قاباقـدا «ءَا»«-ُ و» وار

تفخیــم ائیلرلـــر ولــــــی بیرجـــــه بـــــــــو وار

هـــــاردا «راء» ساکن دی «یـــــــــاء» اوندان دالی

«یـــــاء» دا ساکیــن اوُلسـا وار ترقیــق حالـــــی

جمعی یازدیــــم ایندی تفریـــــــــق ائیلـــــــه یــیم

«راء»ی من بئش یئــــرده ترقیق ائیلـــــــــه یـیم

یعنی آیــــــری مسئــله طـــــرح ائیلـــــــــــه یــیم

ترقیقیـن حــــــالاتینــی شـــــــــــرح ائیلـــــــه یــیم

بیـل کی تفخیم ده چیخــــار سؤزلــــــــــــــر قالین

نازک اولسا ســـــــؤز وئـــــره ر تـرقیق حالـین

اؤرگَه شَــــن لازیمـدی کـــــی پــر شـــــــــور اولا

اولین حکمـی بــــــــــــــــــــودور مکســــور اوُلا

«راء» ساکندن قابـاق گـــــــــــــــــــــر کـسره وار

بو ایکینجـــــی حکمـی دیــــــــــــــر ترقیـق اولار

راء ساکن دن ســــــــــــــــورا ســـــــاکـــن گلــه

گـــــــــر قـابــــاق دا کســـــره وار ترقیـق ائلــــه

راء ساکــندن قـابـــــــاق وار « مدّی یـــــــــــا ء »

ترقیق ایلــــــه وئـــــــــــر قـــولاق استـثنا یـــــــــــا

راء اوُلا ساکــن قـــابــــاق ســــؤز کسره لــــــی

دالدا استعــلا لـــــی ســــؤز اوُلســـــا ولــــــــــی

تجـویــــــــــــــد علمینــده بئلـــــــــه تعلیــم اوُلار

بوردا استثنا ســـــــــــــــی وار تفخیـــــــــم اولار

راء ساکــندن قـاباق وار «واو» و «یــــــــــــــاء»

ترقیق ائیلـــــــرســن عزیــــــــــــزیــــم اوُنــدا دا

«تفخیـــــــم » حالینده آغیـــــــــز سؤزدن دولار

سؤزده نازک چیخســـــا گــــــــر «ترقیق » اوُلار

«هاء» ین اوچ دور کلمه ده حالت لــــــــــــــــری

بیر«ضمیر» دیــــــر«سکت»ایکی اوچ «جوهری»

گــــــر سئوال ائتسه ن نه دیـــــــر آیــــــا ضمیــر

من دئییـــــــم ، آدین یئــرینــده اگلـــــه نیـــــــــــــر

وار همیشه کسره سی یـــــــــــــــــــــا ضمّه ســی

کسره ده «هِی»ضمّه ده «هو» دیــــــــــــر سه سی

بوئیکی حالت ده «هـــــــــاء» اشبــــــــــــاع اوُلار

وار نئچه حـــالت بلا اشبــــــــــــــــــــاع اوُلار

اوّلـــــــــــــــی ساکـن اوُلانـدا ســــوُل ســاقــــــی

حــــــــــــرف مدّینــــــــین قاباقـــدا اوُلمـاقـــــــــــی

همده تشدیـــد اوُلمادیــــــــــــر «هاء»دان دالـــــــی

واردیــــــر اُوچ دورت «هــــــاء» ولــــــی استثنالی

حفظ ائلــــــــــــه «أرجِه» «فأَلقِه» کلمـــــــــه سیـن

نملیلن اعــراف دا ساکــن گلمـــــــــــــــــــه سین

اولماز اشبــــــــــــــــــــــــاع بیلگیلن «یَرضَهُ لَـکُم»

یـــــــــا صدیقــی وئـــــــــــــــــر قــولاق قـُلتُ بکم

بیــــرده بــــــــــــــو «فیهِ مُهانا» دیـــــــــــــر بیلـین

سوره ی فـــرقـان دا اشبـــــــــاع دیـــــــــر بیلـین

«هاء سکت» بیــــــر ساکن هاء اجراسی یـــــوخ

کلمه ده آخــــــر ده دیـــــــــــــــــــــر معناسـی یوخ

بو فقط تأکـیــد ائدیــــــــــــــــــــــر وقف ائتمـگه

سنده دور چـــــــــــــوخ مایل اُولــما گئتـمه گــــــه

«جوهری هاء» کلمه نین ذاتینده دیـــــــــــــــــــــــر

یئدّی یـئرده قـــــــــــــــــــــــرآن آیاتیــنده دیــــــر

«وقف»ده دورّوخ ولی هــــــــــــــر یئرده یوخ

تجوید علمینده اوُنون وار رمــــــــــزی چـــــــوخ

آد قویــــــــوبلار «تـــــام» و«کافــــی» و «حسن»

سِئچمه گـــــــــــــی مشکـل دی معـنـــــا بیلمه سن

معنی بیـلمــــه ک ائیلـه یــــــــه ر وقفـی صحیح

دورد مینجـی وقـف ده آدی «قبیـــــــــــــــــــح»

وقفه دقت وئرمه ســـــــــه قـــــــــاری اگــــــــــر

معنـــی وئرمــــه ز آیــــــه، یـــــــــا ناقص گلــه ر

بیر اودورماق دیــــــــــــــــــر دورا قـــاری اؤزی

اوُندا کـــــــــی گؤردی وئریـــــــر معنا ســؤزی

«لا»ده قورتـــــــــــــولسـا نفس بـس نئیله یه ک

گَل اوُخـــــو بیـــر سؤز دوران یئردن قاباق

خیـــــردا «میم » هـــــر یئرده گـــؤردون دورگیلن

بیلمســـــه هــــــر کیــــــــــم اونــــــا تـاپشیــرگیلن

«سکت»ده قـــــــاری دورار آلـمــــــــــــــــاز نفس

قطع اوُلار بــیــــــــر ثانـیـــــه قدرینده سه س

بیـر مثل دیـــــــــــــــــر کلمه ی« بَل ران» اوخـــو

«بَل » اوُخـــــوندی دور دالیجا «ران» اوُخـــــــــو

سوره ی کهفین ایکینجــی آیـــــــــــــــــــــــــه سی

«عِوَجــــــا قَیِّما»نیـــن وار سکـتــــه ســـــــــــــــی

«مَرقدِنا هَـــــذا» دا «یاسیـن»ده دیـــــــــــــــــــــــر

یازدیقـیـــــــــــم «بل ران» مطفّفیـن ده دیــــــــــــــر

«صاد»ین اوستده هاردا اولسا خیـــردا «سین»

سینه دؤنـده ر اوندا ســــــــــن صــادین سه سین

صــادین آلتیندا اولانــــــــــــــــــدا خیردا «سین»

سن تلاوت ائیلـــــــــــــــــه صادین اؤز سه سین

«نبره» ساکن همزه نین دیـــــــــــــــــــــــر حالتـی

بیر آغیـــــــر حال ، شرحـــــــــــه یوخدور حاجتـی

«لیـن» یعنــی ســـؤزلــــــــــریــــــــــــن نـرمیّـتی

وقف اوُلان یئرلـــــــــــــــــــرده وار مـدّ حالتـی

اوندا کـــــــی «واو»یله «یاء» ساکن دیلــــــــــــر

فتحه دن دالدا اولاندا «لیــن» دیلــــــــــــــــــــــــر

بیر علامـــت «لَا تأَ مَنّــا» ده دیــــــــــــــــــــــــــر

شکلی لـــــوزی دیــــــــــــــر ایکـی معـنا ده دیــــر

اوستــه اولسا «رَوم» یــــــــــــــــــا«اِشـمام» اوُلار

آلتدا بو شکــله «إمالــه» نــــــــــــــــــــــــام اوُلار

روم و اشـمام غنچـه ائیلـــــــــــــــر لب لـــــــــری

دؤنــدَه رَه ر «یــــــــــاء» اِمالــه «ءا» لــــــری

اوندا کی مـدّی « الف» لـــــــــر « یــــاء» اولار

بو امالــه اوُ زامـــــــــــــــــــــــان معنـــی اوُلار

یعنی مئیل ایلـــه ر الف یــــــــــــــــــــاء اولماقـا

فرقــــــــــــــی یوخ صغری و کبری اوُلــماقــــــا

بیـــــــــــــر مثل بیلدیــن کـــــــــی «لَا تأَ مَنّــا»دی

بیــــــــــــــــــل ایکینجی کلمـــــه ده «مجریـها»دی

واردی قـــــــــرآنین « یوز اون دؤرد» سـوره سـی

خوش اوُخــو قــــرآن سئوه ر چون خوش سه سی

قــــــرآنی اؤرگه ش اوُلــــوب تکمیـل اوُخــــــــو

آمّـــــــا اوّل سعـی ائلــه « ترتیـــــل» اوخــــــــو

یاده ســــــــــال بـــــــــو ربّـی الاعلــــــی سؤزین

« رتّلِ القـــــــــــــــــرآن ترتیـــــــــــــــلا » سؤزین

وار قــــــــــــــــرائت علمینــه دؤرد مرتبـــــــــه

ایستـــــه ســـــــن اؤرگشمه گیــن گئت مکتـبـــــــه

«تحقیق» اجــــــرا یئدّی دستگاه اوسته دیــــــر

آمّا «ترتیـل» دن بـیر آز آهستـــــه دیــــــــــــــــــر

«تدویـــــر » اُوچمینجی سورا «تحدیر»دیـــــــــــر

سسلری خوش گؤرسه دن «تحریر»دیــــــــــــــر

چون شفـا دیـــــــر قـــــــــــــــرآن ائیله ر دفعِ غم

هانســـــــــــــــی لحـــن اوُلسا «صبا،نهوند،عجم»

واردیــــــر هـــــر لحنه «فرود»یله «فـــــــــــراز»

گـــــــر«بیات اولسون، سِئگاه اولسون ، حجــــاز »

هــر بیرین تک تک و یا پیوست اوخـــــــــــــــو

وار گؤزه ل آهنگی اؤرگه ش «رست» اوخــــــو

علی اشرفی راد ( عین الدّین )

برچسبها: رمضان, علی اشرفی راد, عین الدّین تورکجه ادبیات صحیفه سی...